قصه واقعيه مؤاثره

بسم الله الرحمن الرحيم

السلام عليكم ورحمه الله وبركا ته

هذة قصة حصلت لرجل من المدينة المنوره يبلغ من العمر مايقارب 48 سنه

اليكم القصة بختصار

قدر الله على هذا الرجل واصابه فشل كلوي

وتبلغ الخبر بنفس صابرة مؤمنة بالله عز وجل

بعد ان اخبره الطبيب بانه مصاب بفشل كلوي

خافو اولاده عليه وقالو له نبي نتبرع لك بكليه

لكن الاب رفض وقال لاتفتحون الموضوع بالمره مستحيل احد فيكم يتبرع لي

المهم الاولاد خايفين على ابوهم

أسالو يمين يسار المهم قالو لازم نشوف لنا حل

اقترح احد اصدقاء الابناء بان يذهبون لدولة مصر ويشترون كليه مقابل المال

طبعا حالتهم الماديه لاباس عليها

راحو للوالد المصاب بالفشل الكلوي واقترحو عليه ورفض الاب

لكن بعد اصرار من الابناء وافق

حجزو طيران وراحو مصر

المهم وصلو مصر

اسالو الاطباء هناك اسالو كيف الحل

قال لهم الاطباء لازم يتبرع له احد

المهم اخذو تحاليل منه وسوو له فحوصات

بعد كم يوم قالو الاطباء فيه شخص بيتبرع لك بكليه بشرط تدفع له 70 الف جنيه مصري

الابناء وافقو والاب قال موافق

دفعو الابناء المبلغ للشخص 70 الف جنيه مصري

بعدها بيوم قال الاب انا بشوف الشخص اللي تبرع لي قالو له مو لازم تشوفه
خلاص الحمدلله لقينا اللي يتبرع

قال الاب لازم اشوفه ودي اشكره على اللي سواه معي

بعد الحاح شديد من الاب وافقو الابناء

اخذو الاب للشخص اللي بيتبرع له بكليه قبل مايسوي العمليه

دخل عليها الغرفه وانها بنت 17 سنه

قالو له الابناء هذه اللي بتتبرع لك بكليه

انصدم الاب بالموقف

انشل لسانه عن الكلام

لم يتخيل انها بنت في عمر الزهور

طيب ليش تبرعت لي

مين اجبرها على كذا

وليش ؟

اتعرفون مالذي اجبرها على بيع كليتها

انه الفقر

ايه نعم الفقر

هذه الفتاه تعول اخويها واختها الصغرى بعد وفاة ابيها وامها

صابهم الفقر الشديد اللي جعلها تبيع كليتها

المهم

تعرفون وش صار في الرجل

الرجل قال والله ماسوي العمليه

انصدمو الابناء قالو ليش

قال والله ماسويها لو يصير اللي يصير

حاولو الابناء في الاب لكن رفض

طيب يابوي المبلغ اللي دفعناه

قال الاب والله ماخذه ولا ابغاه حلال عليها

ويحرم علي حرمة البنت على ابوها

وحجزو الابناء والاب على السعوديه

وصلو السعوديه

بعد شهرين سوا الاب فحوصات في مستشفى خاص قالو له

مافيك شي لافشل كلوي ولا هم يحزنون

الاب ماقتنع بنتيجة الفحوصات

راح مستشفى ثاني وسوى فحوصات وقالو له مافيك شي

الاب استغرب من الموضوع وراح للمستشفى اللي اكتشف فيه المرض اول شي

وقالو له نفس الكلام

سوى فحوصات خارج السعوديه وقالو له مافيك شي انت سليم مافيك شي

طبعا الحين بتقولون انه خطا طبي

ولكن الموضوع ماكان خطا طبي

شفاه الله وعافاه

وقدرة الله فوق كل شي

لكن هذا الشخص فرج كربة عن مسلم

فرج عن الفتاه ذات 17 سنه

ففرجها الله عليه وعافاه بسببها

الله اكبر

قدرة الله فوق كل شي ]

هذه قصة حقيقية

جزاكـ الله خير عالقصة

وانشاء الله يستفيدو اللي بالمنتدى بهالقصة الرائعة

وشكرا جزيلا

ان شاء الله الكل يستفيد منها
شكرا لك الماااضي ودعته نووووووورررت صفحتي بمرووورك
يعطيك الف عاااااافيه

مشكوره ياليمانيه على ابداعك المتواصل والله يعطيكي عافيه

أخوك المحقق

مشكوووور اخووووي المحقق ع مرورك ع صفحتي نووورت موضوعي واضفت اليه جمالا بردك الجميل
يعطيييييييييييييك الف عاافيه

» قصه واقعيه
» جني يراسل فتاه باحد المنتديات .. واقعيه جداً ..!!